Rusiya sülhməramlı kontingentinin komandanlığının bilavasitə iştirakı ilə Azərbaycan və Qarabağdakı ermənilərin nümayəndələri arasında görüş keçirilib.
Yeniavaz.com xəbər verir ki, bu barədə “Sputnik Ermənistan”a RSK-nin komandanlığından məlumat verilib.
“Görüş zamanı Qarabağda istehlakçıların elektrik enerjisi və qaz təchizatının bərpasına dair razılıqlar əldə olunub”, - məlumatda bildirilib.
Qeyd edək ki, ötən il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq Azərbaycanın İqtisadiyyat, Ekologiya və Təbii Sərvətlər nazirlikləri, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdirildiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsadlarla bağlı ilkin monitorinq aparmalı idi. Lakin sülhməramlıların hərəkətsizliyi ucbatından monitorinq baş tutmayıb. Buna etiraz olaraq, azərbaycanlı ekofəallar Şuşa ərazisindən keçən Laçın-Xankəndi yolunda dekabrın 12-dən dinc aksiyaya başlayıblar.
Tətbiqimizi yükləyə bilərsiniz
