“Vaqner” özəl hərbi şirkətinin sahibi Yevgeni Priqojin bildirib ki, Rusiya Federasiyasının müdafiə naziri və baş qərargah rəisi şirkətin muzdlularına döyüş sursatı verilməsini qadağan edib.
Yeniavaz.com xəbər verir ki, bu barədə Priqojinin mətbuat xidməti məlumat yayıb.
Y.Priqojin Rusiyanın müdafiə naziri Sergey Şoyqu və Baş Qərargah rəisi Valeri Gerasimovu onun hərbi şirkətini məhv etməyə cəhddə ittiham edib və bunu vətənə xəyanətlə eyniləşdirib:
“Qrup rəhbərliyinin ətrafında olan generallar bizi yalnız təkərlərin altından aldığımız sursatla təmin etmək üçün sənədlərə imza atırlar. Baş Qərargah rəisi və müdafiə naziri sağa və sola əmrlər verirlər ki, “Vaqner”ə nəinki sursat verilməsin, həm də hava nəqliyyatı ilə köməklik göstərilməsin. Bunu vətənə xəyanətlə eyniləşdirmək olar. “Vaqner” Baxmut uğrunda döyüşdüyü anda hər gün yüzlərlə döyüşçüsü itirir”.
Tətbiqimizi yükləyə bilərsiniz
