Ötən gün Kəlbəcərin Qılınclı kəndi ərazisində “Niva” markalı avtomobil idarəetməni itirərək Tərtər çayına aşıb və nəticədə bir nəfər həlak olub.
Yeniavaz.com xəbər verir ki, “Qafqazinfo”nun əldə etdiyi məlumata görə, hadisə nəticəsində həlak olan şəxs polkovnik-leynenant imiş.
1981-ci il təvəllüdlü Nurlan Babayev bir müddət əvvəl ordu sıralarından təaqüdə çıxıb və Kəlbəcərdə mülki işçi kimi çalışıb.
21 il Azərbaycan ordusunda xidmət edən Nurlan Babayev Türkiyədə təhsil alan zabitlərdən olub. O, Ağdam, Tərtər, Gəncə və Naxçıvanda xidmət edib. Əslən Bakıdan olan N.Babayev bu gün paytaxtda dəfn olunacaq.
Qeyd edək ki, hadisə nəticəsində bir nəfər ölüb, iki nəfər isə yaralanıb.
Tətbiqimizi yükləyə bilərsiniz
