“Böyük Britaniyanın keçmiş baş naziri cənab Boris Consonun Vladimir Putinlə bağlı dedikləri doğru deyil.
Yeniavaz.com xəbər verir ki, bunu Kremlin sözçüsü Dmitri Peskov deyib.
O bildirib ki, Boris Conson Putinin onunla nə haqqında danışdığını başa düşməyib:
"Mən bu söhbət zamanı nələrin müzakirə olunduğunu bilirəm və bir daha təkrar edirəm: bu yalandır. Heç bir raket təhdidləri olmayıb. Rusiya Federasiyasının çağırışlarından danışan prezident Putin qeyd edib ki, Ukrayna NATO-ya daxil olarsa, bu, NATO raketlərinin sərhədlərimizdə potensial yerləşdirilməsi deməkdir. Sərhədlərimizdəki raketlər isə bir neçə dəqiqə ərzində Moskvaya çatmaq imkanına malikdir”.
Peskov deyib ki, BBC-də filmlərin yayımlanmasına reaksiya verə bilmərik:
“Filmin qalan hissəsi bu məcradadırsa, vaxt itirməyi məsləhət görmürük”.
Xatırladaq ki, Böyük Britaniyanın keçmiş Baş naziri Boris Conson BBC-yə müsahibəsində bildirib ki, Rusiya Prezidenti Vladimir Putin Ukraynaya müdaxilədən əvvəl telefon danışığı zamanı onu raket hücumu ilə hədələyib.
Tətbiqimizi yükləyə bilərsiniz
