![](https://cdn.yeniavaz.com/uploadedfiles/custom/2021/2/15/1/61d91f3b-34ee-42e1-abf2-c82691b28d92/almaniya-bayraq.jpg)
Almaniyanın Berlin-Brandenburq hava limanında yerüstü və təhlükəsizlik xidmətləri işçilərinin xəbərdarlıq tətili səbəbilə aviaşirkətlər yüzlərlə reysi təxirə salmalı olub.
Yeniavaz.com xarici KİV-ə istinadla xəbər verir ki, hava limanının qarşısındakı Villi-Brandt meydanına toplaşan əməkdaşlar nümayiş keçiriblər. Yüzlərlə insanın qatıldığı nümayişdən sonra işçilər etirazlarını hava limanında davam etdiriblər.
Berlin-Brandenburq Hava Limanı şirkətinin mətbuat xidməti verdiyi açıqlamada 35 min sərnişinlə təxminən 300 uçuşun ləğv olunduğunu deyib.