Ermənistan Silahlı Qüvvələri Baş Qərargahının Baş Kəşfiyyat İdarəsinin rəis müavini, polkovnik Samvel Movsisyan həmin idarənin rəisi, eləcə də Ermənistan Silahlı Qüvvələrinin Baş Qərargah rəisinin müavini təyin edilib.
Yeniavaz.com “Sputnik Ermənistan”a istinadən xəbər verir ki, bu barədə Ermənistan Prezidenti Vaaqn Xaçaturyan müvafiq fərman imzalayıb.
Digər qərarla Baş Qərargah rəisinin müavini Arakel Martikyan tutduğu vəzifədən azad edilib.
Xatırladaq ki, Ermənistanda bir ilə yaxın idi ki, kəşfiyyat rəhbəri yox idi. Bundan əvvəl Silahlı Qüvvələrin Baş Qərargahının kəşfiyyat idarəsinin rəisi 2021-ci ilin avqustundan 2022-ci ilin fevralınadək bu vəzifəyə təyin olunmuş general-mayor Arayik Arutyunyan olub.
Tətbiqimizi yükləyə bilərsiniz
