Yeni Zelandiyanın təhsil və ictimai xidmətlər naziri Kris Hipkins hakim İşçi Partiyasının və ölkənin yeni lideri seçilib və Casinda Ardernin istefasından sonra baş nazir kimi onun hökumətinə rəhbərlik edəcək.
Yeniavaz.com xəbər verir ki, bu barədə yerli “The New Zealand Herald” nəşri məlumat yayıb .
Qeyd olunub ki, Hipkinsin Yeni Zelandiya İşçi Partiyasının yeni lideri seçilməsindən dərhal sonra Ardern istefasını general-qubernatora təqdim edəcək və ölkənin yeni, 41-ci baş naziri and içəcək. Yanvarın 25-i yeni hökumət başçısının rəhbərliyi ilə Nazirlər Kabinetinin ilk iclası keçiriləcək.
Daha əvvəl jurnalistlərə açıqlama verən Hipkins, səbirsizliklə və həvəslə baş nazir kimi işə başlamaq fürsətini gözlədiyini deyib.
"Bu, böyük bir imtiyaz və böyük məsuliyyətdir", - o vurğulayıb.
Tətbiqimizi yükləyə bilərsiniz
