Rusiyanın raketdaşıyıcıları Şimal Buzlu Okeanı üzərində uçuş həyata keçirdi

Rusiyanın iki Tu-160 strateji raketdaşıyıcısı Şimal Buzlu Okeanının neytral suları üzərində 10 saatdan artıq uçuş həyata keçirib. 
Yeniavaz.com xəbər verir ki, bu barədə Rusiya Müdafiə Nazirliyi məlumat yayıb. Qeyd olunub ki, bu, planlı uçuş olub. Nazirlik vurğulayıb ki, uzaqmənzilli aviasiya pilotları müntəzəm olaraq Arktika, Şimali Atlantika, Qara və Baltik dənizləri və Sakit okeanın neytral suları üzərində uçuşlar həyata keçirirlər.
Tu-160 "White Swan" dəyişən qanad həndəsəsi ilə çox rejimli səsdən sürətli strateji bombardmançıdır. Nüvə və adi raketlərlə hədəfləri dərinliklərində məhv etmək üçün nəzərdə tutulub.