Bu ölkələr tarixdə ilk dəfə birgə hərbi təlimlərə başladı

Yaponiya və Hindistan tarixdə ilk dəfə olaraq birgə hərbi təlimlərə başlayıblar.
Yeniavaz.com xəbər verir ki, bu barədə “Kyodo” agentliyi məlumat yayıb.
Bildirilib ki, təlimlərin məqsədi Çinin Hind okeanı və Sakit okean regionunda artan hərbi qüdrəti səbəbi ilə Yaponiya və Hindistanın müdafiə əlaqələrinin gücləndirilməsidir.
Keçirilən təlimlərdə Hindistan Hərbi Hava Qüvvələrinə (HHQ) məxsus dörd Su-30MKI qırıcısı, iki C-17 nəqliyyat təyyarəsi və bir İl-78 yanacaq dolduran təyyarə, Yaponiya HHQ-dən isə dörd F-2 qırıcısı və dörd F-15 qırıcısı iştirak edir.