Sosial şəbəkələrdə işlədiyi İmişli rayon Yusif Sadatxanov adına Aranlı kənd orta məktəbində olan tualet problemini ictimailəşdirən müəllim Leyla Nəcəfquliyevanın yeni videomüraciəti yayılıb.
Yeniavaz.com xəbər verir ki, müəllim dəstəkçilərinə müraciət edərək onunla bağlı paylaşımlara ara verilməsini xahiş edib.
“Çox xahiş edirəm, aksiyanı dayandırın. Dayandırmasanız, birazdan məni cinayətkar, yalançı, saxtakar, müəllim adına layiq olmayan biri elan edəcəklər. Hamınız məni pisləməyə başlayın. Övladlarım yazıqdır. Mən özümdən qorxmuram, artıq özümü saxlaya bilmirəm. Mən indi məktəbə necə gedəcəm? Bilmirəm. Yazın ki, Leyla müəllimə işdən azad edilsin”, - L.Nəcəfquliyeva bildirib.
Müəllimənin gözyaşları içərisində paylaşdığı görüntülər sosial şəbəkələrdə qısa müddət ərzində sürətlə yayılıb və əsas müzakirə mövzusuna çevrilib.
Tətbiqimizi yükləyə bilərsiniz
