İranda sentyabrın sonundan həbsdə olan keçmiş prezident Əli Əkbər Haşimi Rəfsəncaninin qızı Faizə Haşimi Rəfsəncani 5 il müddətinə azadlıqdan məhrum edilib.
Yeniavaz.com xəbər verir ki, bu barədə onun vəkili Nida Şəms AFP-yə məlumat verib.
Məhkəmənin Rəfsəncanini ölkənin təhlükəsizliyinə qarşı əməkdaşlıqda, sistem əleyhinə təbliğat aparmaqda və qanunsuz görüşlərdə iştirak edərək nizam-intizamı pozmaqda ittiham etdiyini bildirən vəkil qərardan apellyasiya şikayəti verəcəklərini deyib.
Qeyd edək ki, Rəfsəncani sentyabrın 27-də ölkədə baş verən etirazlar zamanı xalqı etirazlara səsləməkdə ittiham olunaraq saxlanılıb. 60 yaşlı Rəfsəncani 2012-ci ilin sonlarında da saxlanılmış və “İran əleyhinə təbliğat apardığına” görə 6 ay müddətinə həbs edilmişdi.
Tətbiqimizi yükləyə bilərsiniz
