“Yaxın aylarda döyüş dayanmayacaq”

Ukrayna ərazisində döyüşlər yaxın aylarda bitməyəcək. 
Yeniavaz.com xəbər verir ki, bu sözləri Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi keçirdiyi brifinqdə deyib:
“Biz gözləmirik ki, ruslar yaxın bir neçə ayda əllərini qaldırıb döyüşləri dayandırsınlar. Bir neçə həftə əvvəl dediyimiz kimi, qışda döyüşlərin dayanacağını gözləmirik”.
Eyni zamanda, Ağ Evin nümayəndəsi bildirib ki, Ukrayna cəbhəsinin müxtəlif sektorlarında Rusiya hərbçiləri üçün müxtəlif vəziyyətlər yaranır. Onun sözlərinə görə, yerlərdə RF Silahlı Qüvvələri hücum edirlər, lakin güclü müdafiə ilə rastlaşılar.