Hindistanın Baş naziri Narendra Modi ilə Rusiya Prezidenti Vladimir Putin arasında telefon danışığı olub.
Yeniavaz.com xəbər verir ki, bu barədə TASS məlumat yayıb.
Verilən açıqlamada Modi Putinə Rusiya-Ukrayna müharibəsi ilə bağlı dialoq və diplomatiyanın yeganə irəliləyiş yolu olduğunu söyləyib.
Bəyanatda liderlərin ikitərəfli münasibətlərin müxtəlif aspektlərini, o cümlədən enerji, ticarət, investisiyalar, müdafiə və təhlükəsizlik sahəsində əməkdaşlıq və digər sahələrə nəzər saldıqları qeyd olunub.
Telefon danışığı zamanı iki liderin müntəzəm təmasda olmaq barədə razılığa gəldiyi ifadə edilib.