“Rusiya Federasiyası, Azərbaycan və Ermənistan liderləri Vladimir Putin, İlham Əliyev və Nikol Paşinyanın üçtərəfli görüşünün əlaqələndirilməsi üzərində iş gedir, onlar ən azı MDB dövlət başçılarının qeyri-rəsmi sammiti çərçivəsində danışa biləcəklər”.
Yeniavaz.com xəbər verir ki, bu barədə jurnalistlərə Rusiya prezidentinin mətbuat katibi Dmitri Peskov məlumat verib.
"Bilirsiniz ki, MDB-yə üzv ölkələrin dövlət başçılarının qeyri-rəsmi görüşü planlaşdırılır, burada üç lider ən azı kənarda danışmaq imkanı əldə edəcək. Bunun necə nəticələnəcəyi ilə bağlı hələlik iş gedir", - Peskov bildirib.
Eyni zamanda, tamhüquqlu üçtərəfli görüşün mümkünlüyündən danışan Kreml sözçüsü qeyd edib ki, bu məsələ ilə bağlı hələlik konkret razılaşmalar yoxdur.