İrandakı aksiyalarda həbs edilən 1200 nəfər azadlığa buraxıldı

İran məhkəmə sisteminin rəhbəri Qulamhüseyn Mohseni Ejeinin əmrindən sonra etirazlar zamanı həbs edilən 1200 nəfər sərbəst buraxılıb.
Yeniavaz.com xəbər verir ki, bu barədə İranın Ədliyyə Nazirliyinin sözçüsü Məsud Sitayişi bildirib.
Onun sözlərinə görə, etirazlar zamanı 200-dən çox adam ölüb.
Sitayişi həmçinin bildirib ki, etirazlar zamanı öldürülən Bəsic üzvü Ruhulla Acimiyani ilə bağlı 5 nəfər edam cəzasına məhkum edilib. Onun sözlərinə görə, bu iş üzrə daha 11 nəfər uzun müddətdir ki, həbs edilib. Həbs olunanlar arasında yeniyetmələr də var.