![](https://cdn.yeniavaz.com/uploadedfiles/custom/2022/12/6/1/4e2898c0-472e-43c4-8435-cab2f664e4d9/gunaydin-restoran-1_638059302410907135.jpg)
Fövqəladə hallar naziri Kəmaləddin Heydərovun ailə üzvlərinə məxsus olan “Günaydın” restoranı “Paşa Holdinq”in tərkibinə daxil edilib.
Yeniavaz.com xəbər verir ki, Xətai pr., ev 51 ünvanında yerləşən “Günaydın” restoranı 2012-ci ildən fəaliyyət göstərir. Restoran Türkiyənin eyni adlı restoronlar şəbkəsinin françayzi kimi fəaliyyət göstərib. Bu barədə məlumat Kəmaləddin Heydərovun ailə üzvlərinə məxsus olan “Gilan Holdinq”in rəsmi veb-saytında da yer alıb.
Xəbəri rus dilində oxuyun: Знаменитый ресторан, принадлежащий членам семьи Кямаледдина Гейдарова, вошел в состав "Paşa Holdinq"
![](https://cdn.yeniavaz.com/uploadedfiles/custom/2022/12/6/1/0622afd0-3ea0-4f5a-9555-58f2ff1e6b6f/gunaydin-restoran-gilan.jpg)
Məlumat üçün bildirək ki, “Gilan Holdinq”ə Kəmaləddin Heydərovun oğlanları -Tale və Nicat Heydərovların rəhbərlik etdiyi bildirilir. Tale Heydərovun “Linkedin” sosial şəbəkə hesabında onun hal-hazırda “Gilan Holdinq”in İdarə heyətinin sədri olduğu qeyd olunub.
![](https://cdn.yeniavaz.com/uploadedfiles/custom/2022/12/6/1/2d7fbd31-9c7a-491e-a0e2-5e98ce3e9de4/tale-gilan-linkedin.jpg)
“Günaydın” restoranının adı artıq “Paşa Holdinq”ə məxsus rəsmi veb-sayta da əlavə edilib.
![](https://cdn.yeniavaz.com/uploadedfiles/custom/2022/12/6/1/92b1060a-1d78-4a0d-8481-11363055c5b4/pasa-sayt-gunaydin.jpg)
“Paşa Holdinq” ilə eyni hüquqi ünvanda – Neftçilər pr., 153-də qeydiyyatda olan “Bakı Boulevard Gunaydın” MMC-nin (VÖEN – 1405381901) qanuni təmsilçisi Zafer Zencır eyni zmanda Xətai pr., ev 51 ünvanında qeydiyyatda olan “Bakı Günaydın” MMC-nin (VÖEN – 1502077621) qanuni təmsilçisidir.
![](https://cdn.yeniavaz.com/uploadedfiles/custom/2022/12/6/1/b1c02cba-f3d4-4213-a54b-e1591cdc8217/pasa-gunaydin.jpg)
Onu da xatıraladaq ki, Xətai pr., ev 51 ünvanında Kəmaləddin Heydərovun prezidenti olduğu Azərbaycan Taekvondo Federasiyası da yerləşir.
![](https://cdn.yeniavaz.com/uploadedfiles/custom/2022/12/6/1/47fd95ae-95a5-44b9-938f-f32b65ab8b8c/taekvondo-unvan.jpg)
A. Cəfərov