Xəzərdə minlərlə suitinin ölümü Rusiya raketlərinə görədir?

Xəzərin Dağıstan sahilində 2500-dən çox ölmüş suiti cəsədi aşkar edilib.
Yeniavaz.com xəbər verir ki, rusiyalı icmalçı Yuliya Latınina suitilərin Rusiyanın Tu-160 və Tu-95 bombardmançı təyyarələrinin Xəzərdən Ukrayna istiqamətinə buraxdığı raketlərinin zəhərli yanacağı səbəbindən tələf olduğunu bildirib. Onun sözlərinə görə, raketlər köhnə olduğundan bəziləri səssizcə, partlamadan yenidən Xəzərə düşür. Nəticədə dənizə zəhərli maddələr axır və canlıların kütləvi məhvinə səbəb olur.