![](https://cdn.yeniavaz.com/uploadedfiles/custom/2022/12/3/1/3143b05b-f664-4d68-b3d7-0fd842a5608c/pele-12.jpg)
Braziliyalı keçmiş futbolçu Peleyə respirator infeksiyası diaqnozu qoyulub.
Yeniavaz.com xəbər verir ki, futbol üzrə üçqat dünya çempionu San-Pauludakı xəstəxanaya yerləşdirilib.
82 yaşlı Pele yoğun bağırsağın xərçənginin növbəti dəfə müayinə edilməsi üçün San-Pauludakı Albert Eynşteyn adına xəstəxanaya yerləşdirilib, lakin həkimlər komandası ona antibiotiklərlə müalicə olunan respirator infeksiyasına yoluxması barədə diaqnoz qoyub. Hazırda ümumi palatada olan pasiyentin vəziyyəti yaxşılaşıb, reaksiyası adekvatdır.
2021-ci ilin sentyabr ayında Edson Arantis du Nasimentu (Pele) onun yoğun bağırsağında əmələ gəlmiş şişin kəsilib götürülməsi üzrə əməliyyat keçirib.