Həbsdə olan nazir azadlığa çıxmaq üçün Ali Məhkəməyə müraciət etdi

Naxçıvan Muxtar Respublikasının həbsdə olan sabiq daxili işlər naziri Əhməd Əhmədov azadlığa buraxılması üçün Ali Məhkəməyə müraciət edib.
Yeniavaz.com Unikal.az-a istinadən xəbər verir ki, onun işinə Ali Məhkəmədə baxılacaq.
Bildirilib ki, Əhməd Əhmədovun azadlığa buraxılması gözlənilir.
Xatırladaq ki, Ə.Əhmədov Cinayət Məcəlləsinin 179.4-cü, 308.2-ci, 308-1.2-ci, 311.3.2-ci, 311.3.3-cü və 341.2.3-cü maddələri ilə ittiham olunub. O, 2021-ci ildə Naxçıvan Muxtar Respublikası Hərbi Məhkəməsininin hökmü ilə 11 il müddətinə azadlıqdan məhrum edilib.