![](https://cdn.yeniavaz.com/uploadedfiles/custom/2020/6/8/1/867ca62d-eb0c-4c17-8819-ed98024c9a66/razi-nurullayev-yeni.jpg)
“Hər zaman Braziliya üçün azerkeşlik etmişəm. Amma indi Serbiyanın udmasını istəyirəm. Çünki, Serbiya Azərbaycan Prezidentini yüksək səviyyədə qarşıladı, F-16-lar Azərbaycan Prezidentinin təyyarəsini müşaiyət edib qəbul etdi və yola saldı. Bu, Azərbaycana göstərilən hörmət idi”.
Yeniavaz.com xəbər verir ki, bunu Milli Məclisin deputatı Razi Nurullayev Braziliya - Serbiya matçına şərh bildirərkən deyib.
“Qoy qalib Serbiya olsun. Amma Braziliya çox güclü təsir bağışlayır. Sadəcə, mən mövqeyimi açıqladım”, - deputat bildirib.
Məlumat üçün bildirək ki, açıq mənbələrdəki məlumatlara görə Serbiya ordusu F-16 qırıcılarına sahib deyil.
Qeyd edək ki, Qətərdə keçirilən futbol üzrə dünya çempionatı çərçivəsində ötən gün Braziliya - Serbiya matçı baş tutub. Oyun sambaçıların 2-0 hesablı qələbəsi ilə yekunlaşıb.
![](https://cdn.yeniavaz.com/uploadedfiles/custom/2022/11/25/1/34d1dbd8-6c9a-48f4-9f48-ccb401065b62/razi-post-esas.png)