İran İslam Respublikasının lideri Əli Xameneinin bacısı qızı, hüquq müdafiəçisi Fəridə Muradxani həbs edilib.
Yeniavaz.com xəbər verir ki, bu barədə siyasi fəalın qardaşı Mahmud Muradxani tvitter hesabında yazıb. O bildirib ki, bacısı noyabrın 23-də məhkəmə qərarını icra etmək üçün prokurorluğa gedərkən tutularaq həbsxanaya aparılıb.
Qeyd edək ki, Fəridə Muradxani həbsindən bir neçə ay əvvəl məhbuslara dəstək kampaniyasına start verib.
2018-ci ilin iyununda o, Sənəndəc şəhərində İslam Respublikasına qarşı fəaliyyətə görə edam edilən siyasi məhbus Ramin Hüseyn Pənahinin ailəsi ilə görüşdükdən sonra da həbs edilmişdi.