Əl-Qaidə terror təşkilatının regional şöbəsi bütün dünya müsəlmanlarını Qətərdə keçiriləcək futbol üzrə dünya çempionatından çəkinməyə çağırıb, baxmayaraq ki, hadisə ilə bağlı təhdid hücumları və ya zorakılığı təbliğ etməkdən çəkinib.
Yeniavaz.com “Reuters”ə istinadən xəbər verir ki, bu barədə “SITE Intelligence” qrupunun məlumatında deyilib.
Təbliğatçılar xatırladıblar ki, Ərəbistan yarımadası iki ziyarətgah diyarıdır - Məkkədə Əl-Həram məscidi və Mədinədə Peyğəmbər məscidi. Onların fikrincə, Səudiyyə Ərəbistanı və Əmirlik hökmdarları yəhudiləri, xristianları və bütpərəstləri, eləcə də ateistləri və cinsi azlıqları dəvət edərək müsəlmanlar üçün müqəddəs torpaqları korlamaq cəhdlərində yarışırlar. Onlar hesab edir ki, bu cür əyləncə tədbirləri vasitəsilə hakimiyyət şəhərləri əxlaqsızlıq, şəhvət və zərərli inancların sığınacağına çevirir.
“Müsəlman qardaşlarımızı bu tədbiri izləməkdən və ya orada iştirak etməkdən çəkindiririk”, - məlumatda qeyd edilib.
Məlumat üçün bildirək ki, Qətər Dünya Kuboku zamanı təhlükəsizliyi təmin etmək üçün 50,000-dən çox insana təlim keçdiyini və Qətər komandanlığına tabe olan xarici qüvvələrin də kömək etdiyini açıqlayıb.
Qeyd edək ki, 20 noyabr - 18 dekabr tarixlərində Qətərdə futbol üzrə dünya çempionatı keçiriləcək.
Tətbiqimizi yükləyə bilərsiniz
