Dünya çempionatı: Günün oyunları

Qətərdə təşkil olunan futbol üzrə dünya çempionatının ikinci günündə daha 3 oyun keçiriləcək.
Yeniavaz.com xəbər verir ki, oyunlar A və B qruplarında baş tutacaq.
Günün ilk matçı B qrupunda İngiltərə və İran arasında olacaq. Görüş Bakı vaxtı ilə saat 17:00-da Dohadakı “Xəlifə” stadionunda start götürəcək.
A qrupunda Niderland və Seneqal milliləri qarşılaşacaq. “Al-Tumama” stadionundakı oyun Bakı vaxtı ilə saat 20:00-da başlayacaq.
Günün son matçında “Əhməd ibn Əli” stadionunda Bakı vaxtı ilə saat 23:00-da ABŞ Uelslə üz-üzə gələcək.