Ukrayna Fransadan "Crotale" zenit sistemləri alıb

Ukrayna hava hücumundan müdafiə üçün Fransadan "Crotale" zenit-raket kompleksləri alıb.
Yeniavaz.com UNİAN-a istinadən xəbər verir ki, bu yaxınlarda Kiyev Fransadan hava hücumundan müdafiə üçün iki "Crotale" raket batareyası və yerdən hücum üçün iki reaktiv yaylım atəşi sistemi (LRU) alıb.
Fransanın müdafiə naziri Sebastien Lecornu deyib ki, Fransa parlamenti də ukraynalılara Fransa müdafiə sənayesindən lazımi avadanlıq sifariş etməyə və çatdırılan sistemlərə texniki xidmət göstərməyə imkan verəcək 200 milyon avro məbləğində dəstək fonduna səs verib.