Gürcüstanda İsrail vətəndaşını öldürməyi planlaşdıran bir qrup şəxs saxlanılıb.
Yeniavaz.com Gürcüstan mediasına istinadən xəbər verir ki, bu barədə Dövlət Təhlükəsizlik Xidməti məlumat yayıb.
Bildirilib ki, iş üzrə ikili - Gürcüstan və İran vətəndaşlığı olan şəxslər də saxlanılıb:
“Aparılan əməliyyat-axtarış və istintaq tədbirləri nəticəsində Pakistan vətəndaşlığı, habelə ikili, İran-Gürcüstan vətəndaşlığı olan şəxslər saxlanılıb. Xaricdə yaşayan təşkilatçılar, o cümlədən qətlin sifarişçisi olduğu ehtimal edilən İran vətəndaşı və digər iştirakçılar müəyyən edilib, barələrində kompleks əməliyyat-axtarış tədbirləri davam etdirilir”.
İstintaq müəyyən edib ki, Pakistan vətəndaşı Gürcüstana ölkədə olan İsrail vətəndaşını öldürmək məqsədi ilə gəlib. Silahı ona ikili vətəndaşlığı olan şəxslər verib:
“İş üzrə aparılan əməliyyat-axtarış tədbirləri zamanı cinayətin törədilməsində iştirak edən və ona köməklik göstərən digər şəxslər müəyyən edilir”.