"Azərbaycan Hava Yolları" QSC Birləşmiş Ərəb Əmirliklərinin Dubay şəhərinə səfər etmək istəyənlərə müraciət edib.
Yeniavaz.com xəbər verir ki, müraciətdə, artıq bu istiqamətdə səyahət edənlərdən koronavirus (COVID-19) pandemiyası ilə bağlı PSR-testi və yaxud vaksin sertifikatının tələb olunmayacağı bildirilir.
"Dubaya səyahət edən sərnişinlərin nəzərinə!
Artıq Birləşmiş Ərəb Əmirliklərinə səyahət etmək üçün COVID-19-a dair PSR-test və yaxud vaksin sertifikatı tələb olunmur.
Azərbaycan vətəndaşları üçün öncədən viza rəsmiləşdirmək kifayətdir", - AZAL-ın yaydığı məlumatda deyilir.