Sanksiyalar və embarqolar Tehranı cəzalandırmaq üçün kifayət etməyəcək.
Yeniavaz.com xəbər verir ki, bu barədə “RBC” Ukrayna prezident aparatının rəhbərinin müşaviri Mixail Podolyakın sözlərinə istinadla məlumat yayıb:
"Dronların Rusiyaya təhvil verilməsinin bu cür etirafı bir qədər qəribə görünür. Yəni, onlar mindən çox pilotsuz təyyarəni müharibədən əvvəl köçürdülər, yalnız ruslar döyüş meydanında müharibəni praktiki olaraq uduzduqdan sonra istifadə etməyə başladılar”.
Eyni zamanda, Podolyak qeyd edib ki, İrana qarşı onilliklər ərzində tətbiq edilən güclü sanksiyalara baxmayaraq, ölkənin, Rusiyadan daha yaxşı silahlar istehsal etməkdə davam etməsi də qəribədir.
“Mənə elə gəlir ki, təkcə sanksiyalar və ya embarqo tətbiq etmək lazım deyil. Pilotsuz təyyarələrin və ballistik raketlərin istehsal edildiyi yerlərə konkret zərbələr endirmək olardı”, - deyə o bildirib.
Tətbiqimizi yükləyə bilərsiniz
