Azərbaycan Respublikasının Kosmik Agentliyi (“Azərkosmos”) tərəfindən keçirilən tender müsabiqəsinin (açıq tender) qalibi məlum olub.
Yeniavaz.com açıqlanan rəsmi məlumatlara istinadən bildirir ki, tenderin nəticəsinə əsasən “Qala Sığorta” ASC (VÖEN- 1700066901) bir il müddətində “Azerspace-2” peykinin sığortalanması xidmətlərini həyata keçirəcək. Qeyd olunan xidmət üçün “Azərkosmos” “Qala Sığorta”ya 865 min 300 manat ödəyəcək.
Məlumatda bildirilir ki, “Azerspace-2” peykinin dəyəri 81 milyon ABŞ dollarına (138 milyon manat) bərabərdir.
Qeyd edək ki, “Qala Sığorta” ASC 1999-cu ildən fəaliyyət göstərir. Əvvəlki adı “Çartis Azərbaycan” olub. 2015-ci ildə "AzRe Təkrarsığorta" ASC tərəfindən satın alınaraq adı dəyişdirilib. Nizamnamə kapitalı 8 milyon 944 min 447 manat olan “Qala Sığorta” ASC-nin qanuni təmsilçisi Allahverdiyev Fuad Kamran oğludur.
A. Cəfərov
Tətbiqimizi yükləyə bilərsiniz
