![](https://cdn.yeniavaz.com/uploadedfiles/custom/2022/10/3/1/880cf320-74a4-4f8c-9566-036a61dd5351/turkiye-inflyasiya.jpg)
Bu ilin sentyabr ayında Türkiyədə istehlak məhsullarının qiyməti və xidmət tarifləri əvvəlki ilin eyni dövrü ilə müqayisədə 83,45% bahalanıb.
Yeniavaz.com Türkiyə Statistika İdarəsinə istinadən bildirir ki, bu son 25 ildə qeydə alınan ən yüksək göstəricidir. İnflyasiya səviyyəsi sonuncu dəfə 1997-ci ildə bundan yüksək (99,1%) olub.
Ən yüksək bahalanma nəqliyyat xidmətlərində qeydə alınıb – 117,66%.
Bundan başqa ötən ilin sentyabr ayı ilə müqayisdə qida və içkilər 93,05%, ev əşyaları 89,68%, restoran və otellərdə xidmətlər 81,34% bahalanıb.
Ən az artım rabitə xidmətlərində qeydı alınıb. Rabitə tarifləri son bir ildə 30,76% artıb.
Onu da bildirək ki, hazırda Türkiyə dünyada inflyasiya səviyyəsinin ən yüksək olduğu 6-cı ölkə hesab olunur.