Çeçenistan Respublikasının başçısı Ramzan Kadırov Azov alayının döyüşçüləri və ukraynalı müxalif siyasətçi Viktor Medvedçukun da daxil olduğu əsir mübadiləsindən narazı olduğunu bildirib.
Yeniavaz.com xəbər verir ki, Kadırov bu barədə “Telegram”da bildirib. O qeyd edib ki, mübadilədən əvvəl xüsusi əməliyyatın fəal iştirakçıları ilə məsləhət aparılmayıb, mübadilə sadəcə olaraq Ukraynanın şərtləri ilə baş tutub.
“Mən başa düşürəm ki, Müdafiə Nazirliyində, FSB-də yuxarıda bu aydındır. Mən hesab edirəm ki, terrorçu kimi tanınan cinayətkarları hərbçilərlə əvəz etmək olmaz. Ekvivalent bir mübadilə olsaydı başa düşərdim - əsgərə əsgər, agentə agent. Bu Azov terrorçularından hətta birinin köçürülməsi qəbuledilməz olmalı idi”, - deyə o qeyd edib.
Tətbiqimizi yükləyə bilərsiniz
