Mərkəzi Neftçilər Xəstəxanasına baş həkim təyin edildi

Mərkəzi Neftçilər Xəstəxanasına yeni baş həkim təyin olunub.
Yeniavaz.com xəbər verir ki, TƏBİB-in icraçı direktoru Vüqar Qurbanovun əmrilə bu vəzifə Hikmət Nağıyevə həvalə olunub. O, həmçinin Cərrahiyyə xidmətləri üzrə direktor müavini təyin edilib.
Qeyd edək ki, H. Nağıyev 2001-ci ildən bugünədək Mərkəzi Neftçilər Xəstəxanasında ürək-damar cərrahı kimi işləyib. Son 6 ildə xəstəxananın ürək-damar xəstəlikləri şöbəsinin müdiri vəzifəsini icra edib, tibb elmləri üzrə fəlsəfə doktorudur.