“Hazırda bir şərt var, Rusiya tam təslim olmalı və təzminat ödəməlidir”

Gürcüstanın sabiq Prezidenti Mixail Saakaşvili Ukraynanın Rusiyaya qarşı hazırkı şərtləri barədə yazıb.
Yeniavaz.com xəbər verir ki, Saakşavili bu barədə feysbukdakı paylaşımında bildirib.
“Ukraynalıların sülh şərtlərini necə dəyişdirdiyinə baxın. İlk danışıqlarda Ukrayna Rusiyadan fevralın 24-də tutduqları mövqelərdən geri çəkilməsini və Krım məsələsinin 15 il müddətinə təxirə salınmasını tələb edirdilər. Bir neçə aylıq sükutdan sonra dedik ki, biz sülh sazişinə Krım da daxil olmaqla yalnız işğalı tam aradan qaldırmaq şərti ilə razılaşacağıq. Xarkovdakı tarixi qələbədən sonra isə yeni bir şərt ortaya çıxıb - Rusiyanın tam təslim olması və təzminat ödəməsi. Ukraynanın müdafiə naziri və Təhlükəsizlik Şurasının katibi isə Rusiyanın onlarla ölkəyə parçalanacağını söyləyirlər”, - deyə o vurğulayıb.