Mövqelərimiz yenə atəşə tutuldu - Son həftə ərzində 8 dəfə...

Kəlbəcər və Laçında mövqelərimiz yenidən atəşə tutulub.
Bu barədə Yeniavaz.com-a Müdafiə Nazirliyindən bildirilib.
Azərbaycan Ordusunun Kəlbəcər rayonunun Zəylik, Yellicə, Yuxarı Ayrım və Laçın rayonunun Sadınlar yaşayış məntəqələri istiqamətlərində yerləşən mövqeləri sentyabrın 10-u gündüz saatlarından 11-i səhər saatlarınadək Ermənistan silahlı qüvvələrinin Basarkeçər rayonunun Yuxarı Şorca, Aşağı Şorca, Zərkənd və Gorus rayonunun Xəzinəvar yaşayış məntəqələri istiqamətlərində yerləşən mövqelərindən fasilələrlə müxtəlif çaplı atıcı silahlardan atəşə tutulub.
Bölmələrimizin adekvat cavab tədbirləri nəticəsində qarşı tərəf susdurulub.
Qeyd edək ki, sentyabrın 4-dən bəri ermənilər 8-ci dəfə mövqelərimizi atəşə tutur.