“Hazırda Rusiyadan taxıl daşınması yoxdur”.
Yeniavaz.com “TRT Haber”ə istinadən xəbər verir ki, bu fikirləri Türkiyə Prezidenti Rəcəb Tayyib Ərdoğan xorvatiyalı həmkarı Zoran Milanoviçlə birgə keçirdiyi mətbuat konfransında deyib.
“Cənab Putinin (Rusiya Prezidenti Vladimir Putin - red.) haqlı olduğu bir mövzu var. O da nədir? Bu taxıl daşımasında gələn taxıllar, təəssüf ki, kasıb ölkələrə yox, zəngin ölkələrə gedir. Bunun əsas mövzusu nədir? Bu taxıl daşınmasını buradan kasıb ölkələrə davam etdirməkdir.
İndi Rusiyaya qarşı bu sanksiyalar davam edərkən, bu sanksiyaları gündəmə gətirən və bu sanksiyaları tətbiq edən ölkələrə taxıl daşınması cənab Putini də narahat edir. Biz istəyirik ki, Rusiyadan da taxıl daşınması başlasın. Bunu da gözləyirik, burada gecikmə var. Bunun aradan qaldırılması üçün biz bunları Səmərqənddə cənab Putinlə ətraflı müzakirə edəcəyik. Arzumuz odur ki, Rusiyadan taxıl daşınmasını başladaq və bu taxılı, həqiqətən, yoxsul ölkələrə çatdıraq”, - Ərdoğan bildirib.
Cumhurbaşkanı Erdoğan: Tahıl sevkiyatında gelen tahıllar maalesef zengin ülkelere gidiyor, fakir ülkelere değil. Biz de istiyoruz ki Rusya'dan da tahıl sevkiyatı başlasın. Gerçekten fakir olan ülkelere de tahılı ulaştıralım.https://t.co/Tc1gJcboca pic.twitter.com/7EjRIGsJl7
— TRT Haber Canlı (@trthabercanli) September 8, 2022
Tətbiqimizi yükləyə bilərsiniz
