Rusiyanın xarici işlər naziri Sergey Lavrov və Ermənistanın xarici işlər naziri Ararat Mirzoyan arasında görüş baş tutub.
Yeniavaz.com TASS-a istinadla xəbər verir ki, Moskvada baş tutan danışıqlar zamanı Ermənistan-Azərbaycan sərhədinin delimitasiyası və Ermənistanla Azərbaycan arasında sülh müqaviləsinin parametrlərinin işlənib hazırlanması üzrə gələcək addımlar müzakirə edilib.
"Rusiya, Ermənistan və Azərbaycan liderlərinin 2020-ci il 9 noyabr, 11 yanvar və 26 noyabr 2021-ci il tarixli sazişlərinin hərtərəfli yerinə yetirilməsi üzrə öhdəlik təsdiqlənib. Bütün iqtisadi və nəqliyyat kommunikasiyalarının blokdan çıxarılması kontekstində gələcək addımlar müzakirə edilib. Ermənistan-Azərbaycan sərhədinin delimitasiyası və demarkasiyası, eləcə də Ermənistan və Azərbaycan arasında sülh müqaviləsinin parametrlərinin işlənib hazırlanması üzərində iş aparılması ilə bağlı fikir mübafiləsi edilib”, - deyə qeyd olunub.
Tətbiqimizi yükləyə bilərsiniz
