Lənkəran-Astara iqtisadi rayonuna daxil olan inzibati rayonlarda – Astara, Cəlilabad, Lerik, Lənkəran, Masallı və Yardımlıda yaşayan əhalinin gəlirləri arasında xaricdən göndərilən pullar digər rayonlarla müqayisədə daha çoxdur.
Yeniavaz.com açıqlanan rəsmi məlumatlara istinadən bildirir ki, ötən il Lənkəran-Astara iqtisadi rayonunda yaşayan hər bir ailəyə xaricdən orta hesabla 13,1 manat pul göndərilib.
Lənkəran-Astara iqtisadi rayonunda əhalinin aylıq gəlirlərinin 4,6%-ni xaricdən göndərilən pullar təşkil edib.
Digər iqtisadi rayonlarda bu göstərici daha az olub. Ümumiyyətlə xaricdən ən az pul vəsaiti alanlar Şərqi Zəngəzur iqtisadi rayonunun (Cəbrayıl, Kəlbəcər, Qubadlı, Laçın və Zəngilan rayonları) sakinləri olub. Bu rayonların sakinlərinin gəlirlərində xaricdən göndərilən pul vəsaitləri ümumi gəlirlərin 0,1%-ni təşkil edib. Şərqi Zəngəzur iqtisadi rayonunda adambaşına düşən gəlir 310,6 manat olub və bunun 20 qəpiyi xaricdən göndərilib.
Ay ərzində ən çox gəliri olanlar Bakı şəhər sakinləridir və onların da adambaşına düşən aylıq gəliri 327 manat olub. Bu gəlirlərin isə 3,2 manatı və ya 1%-i xaricdən göndərilib.
Digər rayonlarda isə analoji vəziyyət belə olub:
| İqtisadi rayonlar |
Adambaşına düşən orta aylıq gəlir | Xaricdən göndərilən vəsait |
Ümumi gəlirdə xaricdən göndərilən vəsaitin payı |
| Bakı | 327 azn | 3,2 azn | 1 % |
| Naxçıvan MR | 322,7 azn | 3,9 azn | 1,2 % |
| Abşeron-Xızı | 299,7 azn | 3,9 azn | 1,3 % |
| Dağlıq Şirvan | 303,2 azn | 0,7 azn | 0,2 % |
| Gəncə-Daşkəsən | 286,3 azn | 8,5 azn | 3 % |
| Qarabağ | 281,1 azn | 3,6 azn | 1,3 % |
| Qazax-Tovuz | 303,9 azn | 8,4 azn | 2,8 % |
| Quba-Xaçmaz | 304,5 azn | 2,7 azn | 0,9 % |
| Lənkəran-Astara | 280,9 azn | 13,1 azn | 4,6 % |
| Mərkəzi Aran | 273,5 azn | 9,4 azn | 3,4 % |
| Mil-Muğan | 297,5 azn | 4,1 azn | 1,4 % |
| Şəki-Zaqatala | 285,8 azn | 2,9 azn | 1 % |
| Şərqi Zəngəzur | 310,6 azn | 0,2 azn | 0,1 % |
| Şirvan-Salyan | 293,6 azn | 2,2 azn | 0,7% |
A. Cəfərov
Tətbiqimizi yükləyə bilərsiniz
