Qazaxıstanın şimalındakı Kostanay vilayətində baş verən yanğınlar nəticəsində bir nəfər ölüb.
Yeniavaz.com xəbər verir ki, bu barədə respublikanın Fövqəladə Hallar Nazirliyinin rəhbəri Yuri İlin məlumat verib.
“Bu gün səhər saatlarında Amankaraqay kəndində dağıntıları təmizləyərkən bir nəfərin ölüm faktını aşkar ediblər, bu, 1936-cı il təvəllüdlü əlildir”, - deyə o, brifinqdə bildirib.
İlinin sözlərinə görə, mərhum evakuasiya barədə əvvəlcədən məlumatlandırılıb, lakin bundan imtina edib:
“Bununla belə, bir nəfərin ölümü ilə bağlı araşdırmalar aparılacaq”.
O, həmçinin bildirib ki, hazırda yanğın sahəsi 43 min hektardan çoxdur.
Tətbiqimizi yükləyə bilərsiniz
