Bu ilin ilk 7 ayı ərzində Türkiyə ilə Ermənistan arasında ticarət dövriyyəsinin həcmi 3 milyon 668 min dollar olub.
Yeniavaz.com xəbər verir ki, bu barədə məlumat Türkiyə Statistika İdarəsinin rəsmi veb-səhifəsində yerləşdirilib.
Açıqlanan məlumatlarda qeyd olunur ki, bu ilin ilk 7 ayında Türkiyədən Ermənistana ixrac 427 min dollar olub. Türkiyənin Ermənistandan idxalı isə 3 milyon 241 min dollar olub. İdxal iyul ayında kəskin artıb. Belə ki, bu ilin ilk 7 ayındakı ümumi idxalın 76%-i və ya 2 milyon 456 min dolları iyul ayının payına düşüb.
Son 10 ilin iyul ayında Türkiyənin Ermənistandan idxalı belə olub:
Türkiyənin Ermənistandan idxalı | |
İllər | İyul ayında idxal |
2022 | 2 456 min $ |
2021 | 321 min $ |
2020 | 3 min $ |
2019 | 222 min $ |
2018 | 583 min $ |
2017 | 684 min $ |
2016 | 207 min $ |
2015 | 366 min $ |
2014 | 321 min $ |
2013 | 20 min $ |
A. Cəfərov