Trampın evindən tapılan gizli sənədlərdə Makron barədə nə yazılıb?

ABŞ-ın keçmiş prezidenti Donald Trampın Mar-a-Laqo malikanəsində axtarışlar zamanı tapılan gizli sənədlər barədə bəzi məlumatlar ortaya çıxıb.
Yeniavaz.com xəbər verir ki, bu barədə “Daily Mail” məlumat yayıb. Bildirilib ki, ABŞ Federal Təhqiqatlar Bürosunun əməkdaşları tərəfindən ələ keçirilən sənədlərdə Fransanın hazırkı lideri Emmanuel Makronun şəxsi həyatı, şəxsi sirləri və bu barədə təfərrüatlar qeyd olunub.
Xatırladaq ki, ABŞ Milli Arxivlər və Qeydlər İdarəsi 2022-ci ilin yanvarında Donald Trampın malikanəsindən çıxarılan materiallarda 700 səhifəlik məxfi məlumatları ehtiva edən 100-dən çox sənəd aşkar etmişdi.