Yaponiya sabiq Baş nazir Şinzo Abenin öldürülməsindən sonra G7 sammitində təhlükəsizliyini təmin etmək üçün dronlardan istifadə edəcəyini açıqlayıb.
Yeniavaz.com TASS-a istinadla xəbər verir ki, bu barədə ölkənin İctimai Təhlükəsizlik Komitəsinin rəhbəri Koiçi Tani bildirib.
Onun sözlərinə görə, bu yolla Yaponiya tərəfi həm yerli sakinlərə, həm də xarici qonaqlara ölkə daxilində yüksək səviyyədə təhlükəsizlik nümayiş etdirə biləcək.
Qeyd edək ki, Yaponiya polisi araşdırmadan sonra belə qənaətə gəlib ki, keçmiş baş nazir Şinzo Abenin öldürülməsinin qarşısı alına bilərdi. Eyni zamanda onun çıxışında təhlükəsizlik tədbirlərinin təmin edilməsində də səhvlərə yol verilib.