İşğaldan azad olunmuş ərazilərə səfər çərçivəsində Azərbaycanda akkreditə olunmuş diplomatik korpusun nümayəndələri Füzuli şəhərinin köhnə mərkəzində olub.
Yeniavaz.com xəbər verir ki, Azərbaycan Respublikası Prezidentinin Qarabağ iqtisadi rayonuna daxil olan işğaldan azad edilmiş ərazilərdə xüsusi nümayəndəsi Emin Hüseynov yenidənqurma və bərpa işləri barədə xarici diplomatları məlumatlandırıb.
O, Füzuli və Şuşa arasında yolun çəkilişi və Füzulidə tikinti işləri barədə məlumat verib.
"Cənab Prezidentin də bildirdiyi kimi 2023-cü ildə Füzulidə ilk yaşayış kompleksinin tikintisi tam hazır olacaq və vətəndaşlar öz evlərinə köçəcək", o deyib.
Emin Hüseynov Füzulidə işğalın nəticəsini göstərəcək açıq muzeyin olacağını deyib.
"Bu dağıntılar müharibənin nə olduğunu, necə ağır bir şey olduğunu göstərir. Biz ölkə olaraq müharibə istəmirik, sülh istəyirik. Biz müharibənin nəticələrinin necə ağır olduğu bilirik. Siz bu ərazilərdə nəşr evinin, kitabxananın binalarının qalıqlarını görürüsünüz. Bu ərazilərədə açıq muzey olacaq, reallıqları, işğalın nəticəsini göstərmək üçün".
Azərbaycan Prezidentinin xüsusi nümayəndəsi digər ölkələrin də Azərbaycanın işğaldan azad olunmuş ərazilərində yenidənqurma prosesinə dəsətk verməyə çağırıb. "Özbəkistan hökuməti Füzulidə uşaqlar üçün məktəbin tikiləcəyinə dəstək verəcəyini, bunun Özbəkistan xalqının Azərbaycana hədiyyəsi olduğunu bildirib. Məktəbin tikinti prosesi artıq başlayıb, konstruksiyası davam edir. Qazaxıstan Prezidenti Azərbaycana ötən həftə səfər etdi. O bəyan etdi ki, Füzulidə Qazaxıstanın dəstəyi ilə uşaqlar üçün incəsənət məktəi tikiləcək. Biz bu təşəbbüsləri digər ölkələrdən də gözləyirik".
O deyib ki, 2026-cı ilə qədər Füzuli əhalisinin təxminən 20-30 faizinin yenidən qurulmuş şəhərə köçürüləcəyi və 2040-cı ilə qədər isə prosesin tam tamamlanacağına ümidini ifadə edib.
Tətbiqimizi yükləyə bilərsiniz
