Müəllimlər üçün əlavə vakansiya seçiminin nəticələri açıqlandı

2022-2023-cü tədris ili üçün Elm və Təhsil Nazirliyi sisteminə daxil olan ümumi təhsil müəssisələrinə müddətsiz müqavilə ilə müəllimlərin işə qəbulu üzrə müsabiqənin əsas turunda tutulmayan vakant yerlər üçün əlavə vakansiya seçiminin nəticələri namizədlərin şəxsi səhifələrinə göndərilib.
Nazirlikdən Yeniavaz.com-a verilən xəbərə görə, 24-26 avqust tarixlərində keçirilmiş vakansiya seçimində 251 namizəd uğur qazanaraq müsahibə mərhələsində iştirak etmək hüququ əldə edib.
Qeyd edək ki, müsahibə mərhələsi tədris ili ərzində baş tutacaq və bu barədə məlumat əvvəlcədən namizədlərin şəxsi səhifələrinə göndəriləcək.