İran nüvə sazişi ilə bağlı ABŞ-dan cavab aldı

Tehran nüvə sazişi ilə bağlı Vaşinqtonun cavabını alıb və onu araşdırmağa başlayıb. 
Yeniavaz.com xarici KİV-ə istinadla xəbər verir ki, bu barədə İran İslam Respublikası Xarici İşlər Nazirliyinin rəsmi nümayəndəsi Nasir Kənani Çafi bildirib.
"İran tərəfi çərşənbə günü axşam Aİ koordinatoru vasitəsilə ABŞ hökumətindən nüvə sazişinə qayıdılması ilə bağlı cavab aldı. Biz ABŞ-ın təkliflərini təfərrüatlı nəzərdən keçirməyə başladıq və bu barədə koordinatoru əlavə olaraq məlumatlandıracağıq”, - deyə o bildirib.