Bu ayın əvvəlinə olan məlumata görə Azərbaycanda fəaliyyət göstərən 26 bankın 480 filialı, 95 şöbəsi, 2 min 944 ATM-si olub.
Yeniavaz.com Mərkəzi Bankın açıqladığı sonuncu göstəricilərə istinadən bildirir ki, 26 bankda ümumilikdə 21 min 729 nəfər işləyir.
Bu ilin ilk 7 ayında bank sektorunun işçi sayı 6,9% və ya 1400 nəfər artıb (iyul ayında 203 nəfər artım).
Fəaliyyətdə olan bankların cəmi aktivləri 41 milyard 589,7 milyon manat, cəmi öhdəlikləri 36 milyard 450,5 milyon manat, balans kapitalı 5 milyard 139,2 milyon manat olub.
2022-ci ilin yanvar-iyul aylarında banklar 492,6 milyon manat xalis mənfəət, 741,4 milyon manat məbləğində əməliyyat mənfəəti əldə ediblər. İlin əvvəlindən banklar tərəfindən ümumilikdə 114,1 milyon manat məbləğində mənfəət vergisi ödənilib.
Tətbiqimizi yükləyə bilərsiniz
