Bakı-Abşeronda gözlənilən hava açıqlandı

Milli Hidrometeorologiya Xidməti gözlənilən hava şəraiti ilə bağlı açıqlama yayıb.
Xidmətdən Yeniavaz.com-a verilən məlumata görə, həftənin sonunadək Bakıda və Abşeron yarımadasında hava şəraitini az qradiyentli, nisbətən alçaq təzyiq sahəsi təyin edəcək.
Bununla yanaşı, zəif cənub-şərq küləklərinin üstünlüyü havanın durğun və bürkülü keçməsinə səbəb olacaq.
Əsasən axşam saatlarında havada rütubətin daha yüksək olacağı gözlənilir. Havanın maksimal temperaturu 35-38 dərəcə isti olduğu halda, sinoptik şəraitlə əlaqədar 40-41 dərəcə isti kimi hiss olunacaq.