Bu gün “Qarabağ” klubu Çempionlar Liqasının III təsnifat mərhələsinin cavab oyununa çıxacaq.
Yeniavaz.com xəbər verir ki, Ağdam klubu səfərdə Macarıstanın “Ferentsvaroş” klubu ilə qarşılaşacaq.
Matç Bakı vaxtı ilə saat 22:00-da start götürəcək.
İki əsas mərkəz müdafiəçisi - komandanın kapitanı Maksim Medvedev və Kevin Medina zədə səbəbindən bu matçda iştirak edə bilməyəcək.
Xatırladaq ki, cütün Bakıda keçirilən ilk oyununda 1-1 hesablı bərabərlik qeydə alınıb.
Qeyd edək ki, bu cütün qalibi pley-offda “Şerif” (Moldova) - “Viktoriya” (Plzen, Çexiya) duelinin güclüsünə rəqib olacaq. “Ferentsvaroş” - “Qarabağ” cütündə uduzan tərəf Avropa Liqasının pley-offunda “Şemrok Rovers” (İrlandiya) - “Şkupi” (Şimali Makedoniya) cütünün məğlubu ilə qarşılaşacaq. Mərhələni adlayan komanda UEFA Avropa Liqasının qrup mərhələsinə vəsiqəni təmin edəcək.
Tətbiqimizi yükləyə bilərsiniz
