“İsrail hərbçilərinin cümə günündən Qəzzə zolağında həyata keçirdiyi hərbi əməliyyatın məqsədləri ümumilikdə tamamlanıb və indi yeni itkilərin və əlavə zərərin qarşısını almaq üçün onun məhdudlaşdırılması lazımdır”.
Yeniavaz.com TASS-a istinadla xəbər verir ki, bu sözləri İsrailin hərbi-siyasi məsələlər üzrə kabinetin üzvü olan səhiyyə naziri Nitzan Horovitz deyib.
"Düşünürəm ki, bu kampaniyanı mümkün qədər tez bitirməyə çalışmalıyıq", - deyə o, bildirib.
Baş nazir Yair Lapid isə bildirib ki, İsrail ordusu “İslami Cihad”ın yaratdığı təhlükəni aradan qaldırmaq üçün lazım olan müddətdə hərəkət edəcək.
Qeyd edək ki, cümə günü - avqustun 5-də İsrail ordusunun mətbuat xidmətindən bildirilib ki, hərbçilər “Sübh” əməliyyatı çərçivəsində Qəzzə zolağında “İslami Cihad” qruplaşmasının hədəflərini vurmağa başlayıb.