![](https://cdn.yeniavaz.com/uploadedfiles/custom/2021/1/13/1/28ec494a-456e-4aba-9538-343afd886a6d/erdogan-putin.jpg)
Türkiyə və Rusiya arasında ikitərəfli ticarətdə rubldan istifadə etmək barədə razılıq əldə olunub.
Yeniavaz.com Türkiyə mətbuatına istinadla xəbər verir ki, bu barədə Türkiyə Prezidenti Rəcəb Tayyib Ərdoğan deyib:
"Soçidə hörmətli Putinlə görüşdə ticarətdə pul vahidi kimi rubldan istifadədə razılaşdıq. Ticarətimizi rublla aparacağımız üçün bu, təbii ki, Türkiyə və Rusiya üçün ciddi gəlir mənbəyinə çevriləcək".
Ərdoğan həmçinin bildirib ki, Türkiyə və Rusiya ikitərəfli ticarəti ildə 100 milyard dollara çatdırmaq planlarını təsdiqləyiblər.