Türkiyə Prezidenti Qarabağdakı hadisələrə münasibət bildirdi

Türkiyə Prezidenti Rəcəb Tayyib Ərdoğan son günlər Qarabağda baş verən prosseslərlə bağlı danışıb.
Yeniavaz.com "TRT Haber"ə istinadən xəbər verir ki, Ərdoğan əsgərimizin şəhid olduğu hücumu pislədiyini qeyd edib:
“Üçtərəfli Bəyannamədən iki ilə yaxın vaxt keçir. Ermənistanın buradakı öhdəliklərini tez bir zamanda yerinə yetirməsi vacibdir”, - deyə o əlavə edib.
Ərdoğan Qarabağın Azərbaycanın beynəlxalq səviyyədə tanınmış sərhədləri daxilində yerləşən ərazisi olduğunu və bu ərazidə hər hansı qanunsuz silahlı ünsürlərin varlığının yolverilməzliyini vurğulayıb.