“Müdafiə xətti” hüquq müdafiə təşkilatının həmtəsisçisi Zaur Əkbərlə bağlı yerli medianın yaydığı xəbər sosial şəbəkədə geniş müzakirə və tənqidlərə səbəb olub.
Yeniavaz.com-un məlumatına görə, "Heç bir yerdə işləməyən Zaur Əkbər 300 dollarlıq köynəyi necə alıb?" başlıqlı yazıda iddia olunur ki, Zaur Əkbərin geyindiyi “Moncler” markası olan köynəyin qiyməti 300 dollardı.
Sosial şəbəkədə yerli media subyektinin belə xəbər verməsi sərt tənqid olunub. Müzakirələrdə həmin köynəyin qiymətinin 10-20 manat arasında olduğu qeyd olunub.
Media hüququ üzrə ekspert Ələsgər Məmmədli də sözügedən xəbəri və xəbərə qoyulan başlığı tənqid edib.
“Bu başlığı atan media məmur övladının 1,5 milyon manatlıq saatını hansı pulla aldığını sorğulamamışdı”, - Ə. Məmmədli yazıb.
Tətbiqimizi yükləyə bilərsiniz
